Nesër në orën 18:00 Anglia e tranjerit Tuchel do të luajë ndaj ekipit kuqezi në ”Air Albania”, në takimin përmbyllëse të kualifikueseve të Botërorit 2026. ”Tre Luanët” janë kualifikuar direkt për në kompeticionin e vitit të ardhshëm, por trajneri Tuchel nuk e fsheh ambicien e tij për të fituar ndeshjen ndaj kuqezinjve.
”Duam të fitojmë përsëri, do të përballemi më Shqipërinë, një skuadër që është e vështirë të thyhet. Gjatë kualifikueseve kanë pësuar vetëm 3 gola, 2 nga ne dhe 1 tjetër. Është e vështirë të shënohet ndaj tyre”,-u shpreh trajneri gjerman i Tre Luanëve.
Tuchel më pas u shpreh nëse e priste që Shqipëria do të renditej në vendin e dytë në momentin që u hodh shorti. Ai foli edhe për Armando Brojën të cilin e ka pasur nën urdhrat e tij kur ishte te Chelsea.
”E njoh Brojën shumë mirë sepse ka qenë futbollisti im te Chelsea. Ai luan për Shqipërinë dhe në të shumtën e kohës në krahun e djathtë, kështu që ne presim që ai të jetë në fushë. Ai sjell shpejtësi dhe është i rrezikshëm sepse ai mendon gjithnjë të shënojë. Shpresojmë që të kemi zgjidhjet për ta mbuluar”.