Berat Gjimshiti po tenton në çdo mënyrë që të jetë i gatshëm për ndeshjen e kësaj të diele në Serinë A ku përballë do të vihen Atalanta dhe Interi, në supersfidën e kësaj jave.
Futbollisti shqiptar është dëmtuar me 13 dhjetor dhe mendohej se do të qëndronte jashtë deri në gjysmën e muajit janar. Por ai ka tentuar që të rikuperohet në kohë për të qenë i gatshëm për duelin kundër Interit, që shihet si shumë i rëndësishëm nga bergamaskët pasi mund të ndalin kryesuesit e kësisoj, të kthehen edhe ata në garë për një vend në grupin e skuadrave që pretendojnë pjesëmarrjen në Champions.
Megjithatë, në stërvitjen e sotme, Gjimshiti ka qenë përsëri i veçuar nga grupi i lojtarëve të tjerë, duke mos marrë pjesë në ushtrimet apo përgatitjen taktike të Paladinos për ndeshjen ndaj Interit. Ndaj tashmë ka më pak optimizëm se ai do të jetë i gatshëm për duelin ën fjalë, duke përcaktuar kthimin më të mundshëm në ndeshjen e parë të Atalantës për vitin 2026.