Cristiano Ronaldo ka shënuar golin numër 961 në karrierën e tij si profesionist dhe ka nisur numërimin mbrapsht për të arritur kuotën 1000.
Legjenda portugeze ndihmoi Al Nassr që të zhbllokonte ndeshjen kundër Al Kolod në fillimin e pjesës së dytë. Ky ishte goli i 17-të në kampionat në 18 ndeshjet e luajtura për CR7.
Skuadra e tij mori 3 pikë të rëndësishme, ku rrugën e rrjetës e gjetën gjithashtu edhe Simakan dhe Coman me penallti. Në këtë mënyrë, Al Nassr ka lënë pas krahëve momentin negativ duke siguruar 4 fitore radhazi që e ndihmojnë për ta çuar në 3 pikë diferencën me vendin e parë.
Al Hilal i Simone Inzagit e ka ulur ritmin me dy barazime radhazi, që ka sjellë rihapjen e garës për titullin kampion. Përveç rekordit të 1000 golave, Ronaldo këtë vit kërkon të fitojë patjetër një trofe në Arabinë Saudite.