Gjatë diskutimeve për zhvillimin e mbledhjes së komisionit, Taulant Balla akuzoi opozitën për paqartësi dhe mospërputhje në qëndrime lidhur me bojkotin. Ai u shpreh se deklaratat e bëra në mbrëmje bien ndesh me ato të mëngjesit dhe se qëndrimi i opozitës është i vështirë për t’u kuptuar, duke ironizuar se i është dashur t’i drejtohet ChatGPT për sqarim.
Balla theksoi se nga ana e mazhorancës ka pasur sinjale se, nëse opozita merr pjesë në komision, nuk ka nevojë për ndryshime në organizimin e mbledhjes. Ai kritikoi gjithashtu mënyrën e përfaqësimit të opozitës, duke thënë se për të njëjtën çështje flasin disa persona njëkohësisht, në kundërshtim me rregullat organizative.
Balla: Çfarë thoni në darkë, nuk e thoni në mëngjes. Doli ky zotëria, pyeta ChatGPT-n ta kuptoja, se ishte e vështirë ta kuptoja. Ju jeni tërhequr nga bojkoti i komisionit, këtë ma shpjeguan edhe miq që ndihmojnë në komunikim. Këta nuk janë tërhequr nga bojkoti. Jeni aq kakofonikë sa për një çështje, çoheni dy veta. Ka një rregull organizativ, që çohet njëri. Në rast se na thoni: “Shiko, ne do të vijmë”, jo po historia me kryetar e bashkëkryetar. Nuk bëhet dot mbledhja e komisionit me 8, ju ka lënë Luli pas shkolle. Ne po ju themi: nëse ju vini, nuk ka nevojë ta ndryshojmë. Na thoni deri në darkë, se keni mendime të tjera. Edhe kismet vendosim deri atëherë.
Boçi: Inteligjencën e ka nën mesataren. Nuk ka pasur konsultim, nuk mund të dilni dot në komision, prandaj keni nevojë për ChatGPT.