Më 10 prill 2026, Bashkimi Evropian do të vendosë në funksion të plotë sistemin e ri të hyrje-daljeve (EES), duke sjellë ndryshime të mëdha për udhëtarët nga vendet jashtë BE-së dhe zonës Shengen. Ky sistem digjital do të zëvendësojë vulat tradicionale në pasaportë me regjistrime elektronike të hyrjeve, daljeve dhe refuzimeve të hyrjes.
Do të bëhet regjistrim biometrik ku do të fotografohet fytyra dhe gjurmët e gishtërinjve do të merren në kufi. Informacioni ruhet për tre vite, duke lehtësuar udhëtimet e ardhshme.
Nëse dikush refuzon të japë të dhënat biometrike nuk do të lejohet të hyjë. Fëmijët nën 12 vjeç nuk japin gjurmë gishtash, por fotografohen.
Nga këto rregulla përjashtohet shtetasit e BE-së/Shengenit, personat me leje qëndrimi, vizë afatgjatë, transportuesit ndërkombëtarë, forcat e armatosura dhe banorët lokalë me leje kufitare.
Ndërsa sa i takon Irlandës dhe Qipros, nuk e zbatojnë sistemin, por do te vijojnë me kontrolle manuale.
Këto rregulla të që do të vendosen në zbatim të plota pas datës 10 Prill të këtij viti pritet të sjellin vonesa të konsiderueshme gjatë muajve të parë, sidomos në oraret me fluks të lartë, pritjet mund të zgjasin deri në dy orë ose më shumë.
Ndaj udhëtarëve u rekomandohet të paraqiten 1.5–2 orë më herët se zakonisht. Me kalimin e kohës, procedurat pritet të bëhen më efikase.
Nuk është i detyrueshëm, por ekziston një aplikacion zyrtar të BE-së që lejon ngarkimin e të dhënave deri në 72 orë para udhëtimit. Ky opsion është i disponueshëm vetëm në disa vende dhe synohet të zgjerohet në të gjithë BE-në.
Sistemi synon të modernizojë menaxhimin e kufijve, të forcojë sigurinë dhe të luftojë krimin e organizuar. Megjithëse fillimi mund të sjellë sfida për udhëtarët, pritet që me kalimin e kohës procesi të bëhet më i shpejtë dhe më i sigurt.