Një ngjarje e rëndë është shënuar në bregdetin e Tales, në Lezhë, ku dy vajza të mitura kanë humbur jetën pasi janë mbytur në det.
Sipas të dhënave paraprake, viktimat, 11 dhe 13 vjeç, ndodheshin në një zonë plazhi pa mbikëqyrje dhe jashtë perimetrit të menaxhuar nga strukturat e sigurisë. Dyshohet se ato kanë hyrë në ujë dhe më pas janë përballur me vështirësi që u kanë kushtuar jetën.
Trupat e pajetë janë nxjerrë nga deti dhe janë transportuar drejt morgut të Spitalit Rajonal të Lezhës, ku do të kryhen procedurat përkatëse. Ndërkohë, autoritetet po punojnë për të sqaruar plotësisht rrethanat e ngjarjes.