Franca dhe Maroku rikthejnë në skenë një duel që ka mbetur në kujtesën e tifozëve, atë të gjysmëfinales së Botërorit 2022. Katër vite më vonë, në Boston, dy kombëtaret përballen sërish, këtë herë në çerekfinalet e Kupës së Botës 2026, me të njëjtën ambicie: të hedhin një tjetër hap drejt trofeut më të rëndësishëm të futbollit botëror.
Franca mbërrin si një nga favoritët kryesorë të turneut. “Gjelat” kaluan me autoritet fazën e grupeve dhe fituan edhe në raundin e kaluar, megjithëse me shumë vështirësi, 1 me 0 ndaj Paraguait.
Skuadra e Didier Deschamps nuk njeh humbje në 12 ndeshjet e fundit zyrtare, me 11 fitore dhe një barazim, ndërsa synon suksesin e tetë radhazi, që do ta çonte në gjysmëfinalen e tretë rresht të Kupës së Botës. Në krahun tjetër, Maroku vazhdon të shkruajë histori për futbollin afrikan.
“Luanët e Atlasit” eliminuan Kanadanë me një fitore bindëse 3 me 0, duke treguar efikasitet maksimal në sulm. Marokenët janë të pamposhtur në dhjetë ndeshjet e fundit, me shtatë fitore dhe tre barazime, dhe kërkojnë revanshin pas humbjes 2 me 0 ndaj Francës në gjysmëfinalen e Botërorit 2022.
Historia është në anën e francezëve. Në gjashtë përballje mes dy skuadrave, Franca nuk ka humbur asnjëherë, me katër fitore dhe dy barazime.
Megjithatë, forma e shkëlqyer e Marokut dhe ambicia për të përsëritur suksesin historik premtojnë një sfidë të hapur, ku vetëm njëra skuadër do të vazhdojë rrugëtimin drejt finales së Botërorit 2026. Ndeshja nis ne oren 22 dhe transmetohet esklusivisht ne televizionin kombetare klan.