Gazetari Enrik Mehmeti ka humbur jetën mbrëmjen e sotme në një aksident të rëndë të ndodhur në plazhin e Porto Noves, në Zvërnec.
Sipas të dhënave paraprake të Policisë, 40-vjeçari ishte duke lëvizur me një motor me katër rrota, kur dyshohet se, si pasojë e një manovre të gabuar, ka humbur kontrollin e mjetit. Si pasojë, motori është rrokullisur disa herë.
Gjatë aksidentit, një pjesë metalike e mjetit e ka goditur rëndë në kraharor, duke i shkaktuar dëmtime fatale.
Pavarësisht ndërhyrjes së shpejtë, gazetari nuk ka mundur të mbijetojë. Policia vijon hetimet për të zbardhur të plotë rrethanat e aksidentit.