Protesta para Kuvendit është shoqëruar me incidente, ku një efektiv policie ka mbetur i plagosur pasi është goditur me gur, gjatë përplasjeve me demonstruesit.
Sipas informacioneve paraprake, në përpjekje për të shtyrë kordonin e policisë, një pjesë e protestuesve kanë hedhur vezë dhe sende të forta në drejtim të efektivëve. Si pasojë, një polic ka pësuar dëmtime në kokë dhe është gjakosur.
Burime nga vendngjarja bëjnë me dije se brenda turmës ndodhet një grup protestuesish të pajisur me çanta, ku dyshohet se mbajnë sende të forta që përdoren gjatë përplasjeve me forcat e rendit. Situata mbetet e tensionuar, ndërsa policia vijon të monitorojë protestën.