Lazio ka shtuar interesin për sulmuesin e Kombëtares shqiptare, Armando Brojën, duke e vendosur atë në krye të listës së përforcimeve për repartin ofensiv.
Sipas Gazzetta dello Sport, klubi bardhekaltër po punon për të sjellë 23-vjeçarin në Serie A, ndërsa Burnley është i gatshëm ta lejojë largimin e tij në formë huazimi, pa detyrim blerjeje. Një formulë që e bën transferimin të favorshëm nga ana financiare për klubin italian.
Broja iu bashkua Burnley-t verën e kaluar, por pas rënies së ekipit nga Premier League në Championship, e ardhmja e tij mbetet e hapur dhe largimi gjatë kësaj merkatoje verore duket një mundësi konkrete.
Përveç Lazios, interes për sulmuesin shqiptar ka shfaqur prej kohësh edhe Cagliari, që gjithashtu militon në Serie A.