Teksa sot në Bruksel mblidhen ministrat e Jashtëm të vendeve të BE-së për të diskutuar për Shqipërinë dhe Maqedoninë e Veriut, në arenën ndërkombëtare po flitet gjithnjë e më shumë vetëm për shtetin fqinj.
Lexo edhe- Pse Hahn “harron” Shqipërinë? Çfarë pritet të ndodhë sot në Bruksel
Ka qenë vetë eurokomisioneri për zgjerimin Johannes Hahn i cili prej kohësh nëpërmjet intervistave dhe statuseve në rrjetet sociale flet vetëm për Maqedoninë e Veriut, duke “harruar” Shqipërinë, përsa i përket çeljes së negociatave. Edhe zyrtarë të tjerë të BE-së kanë hedhur idenë e një hapi para të Maqedonisë, pa Shqipërinë. Ndërkohë mbështetëse e fortë deri tani për çeljen njësoj të negociatave të të dy vendeve është Italia.
Reagimi më i fundit vjen nga ish Sekretari i Përgjithshëm i NATO-s, Anders Fogh Rassmusen. Në një status në Twitter ai thotë se do të ishte gabim të mos çelen negociatat për Maqedoninë e Veriut.
“Maqedonia e Veriut e kapërceu atë që dukej një pengesë e pakapërcyeshme në ndryshimin e emrit të saj. Kjo ndodhi për shkak të perspektivës për një të ardhme më të mirë në BE dhe NATO. Vendet anëtare të BE nuk mund t’i mohojnë Maqedonisë fatin që kërkon. Po ta bëjnë këtë do të ishte një gabim”, shkruan ai në Twitter.
