Vitamina D që e marrin ga dielli, ushqyerja me produkte të freskëta dhe një lëvizje më e madhe fizike ndihmojnë shëndetin riprodhues të njeriut. Shto këtu dhe meritën e pushimeve që ulin nivelin e stresit dhe vera është stina më e mirë përsa i përket fertilitetit.
Dhe këtë e përforcojnë një sërë studimesh që thonë se korriku dhe gushti janë periudha më e mirë për fertilitetin, si tek femrat dhe tek meshkujt. “Vera përfshin një sërë faktorësh që na japin nivelin e humorit për të mbrojtur fertilitetin. Vendosni në tavolinë ushqime të freskëta dhe bëni aktivitet fizik, duke ulur konsumin e alkoolit dhe cigares, duke ndihmuar kështu shëndetin tuaj riprodhues”, thotë Marina Bellavia, specialiste në Mjekësinë e Rirpodhimit në Lugano të Italisë.
Ndërkohë një studim i Shkollës së Harvardit për Shëndeti Publik thotë se përthithja e vitaminës D përmes rrezeve të diellit në organizëm është i aftë të kundërshtojë faktorët negativë që ndikojnë në fertilitet. Për më tepër një artikull i publikuar në Journal of Clinical Endocrinology and Metabolism, konfimohet se femrat me nivel të mjaftueshëm të vitaminës D kanë më shumë mundësi të prodhojnë embrionë me cilësi të lartë, pra mundësi më të lartë të mbeten shtatzënë. Ndërsa tek meshkujt vitamina D ka lidhje pozitive me cilësinë e spermës thonë specialistët.