Policia ka arrestuar një 50-vjecar për shpërndarje të drogës së fortë në Tiranë. Operacioni është koduar “Recidivisti”, pasi A.M., ishte përsëritës i veprës penale për të cilën është dënuar dhe më parë, Prodhim dhe shitje të narkotikëve.
Sipas pamjeve të shpërndara nga Policia e Tiranës, ai e fshihte drogën në sahatin e ujit të shtëpisë së tij. Ndërkohë që policia ka pasur informacione në rrugë operative se A. M., shiste në qytetin e Tiranës lëndë narkotike droga të forta kryesisht kokainë, personave të ndryshëm përdorues të lëndëve narkotike, të cilën e siguronte jashtë qytetit të Tiranës.
Nga ana e punonjësve të Policisë të Seksionit për Hetimin e Narkotikëve pas një pune intensive është bërë e mundur kapja në flagrancë e personit të lartpërmëndur me doza lënde narkotike Kokainë, e gatshme për tu hedhur në treg në zonën e Alliasit ku gjatë kontrollit fizik dhe në banesë iu gjet dhe iu sekuestrua 87 gram lëndë narkoitke kokainë e ndarë në 174 doza.
Gjithashtu u sekuestrua edhe 1 automjet i markës Mecedez Benz me të cilin lëvizte i dyshuari për tregtimin e lëndës narkotike.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore për veprën penale “Prodhimi dhe shitja e lëndëve narkotike ”.
