Në një rrëfim tronditës, një shofer 20-vjeçar bjellorus tregon se si arriti që të dalë i gjallë nga trageti që u dogj në flakë pranë ujërave shqiptare. Ai ka treguar çastin e parë kur e kuptoi se kishte rënë zjarr. I riu tha se në momentin e rënies së flakëve ndodhej në gjumë.
“Kur u zgjova kuptova se kishte rënë zjarr. U përpoqa të gjej një rrugë shpëtimi por nuk munda. Ishte shumë nxehtë për shkak të flakëve dhe vendosa të qëndroj në kabinën e kamionit. Vazhdova të dëgjoja zhurma por nuk mund ta dija se nga vinin.
Dola në ditën e tretë kur kuptova se temperatura kishte rënë dhe për t’u siguruar kapa çarçafët. Duke ecur nuk mund të dalloja asgjë derisa më në fund pashë një tabelë ku shkruhej “Dalje emergjente”.
Një nga rojet bregdetare beson se janë tre faktorë që e shpëtuan 21-vjeçarin nga vdekja. Së pari ai ndodhej në garazh, një vend që nuk ishte prekur nga flakët. Së dyti garazhet mbyllen hermetikisht duke penguar futjen e tymit dhe së treti ishte gjakftohtësia që tregoi gjatë gjithë këtyre orëve kur qëndronte i mbyllur në garazh.