Ministri Sandër Lleshaj ka debatuar sot me gazetarët në lidhje me paketën anti-KÇK. I ftuar sot në emisionin “Open”, Lleshaj është pyetur nëse fleta për deklarimin e pasurisë do i shkojë apo jo ish-ministrit të Brendshëm, Saimir Tahiri.
Analisti Neritan Senjamini, ka thënë se pjesë e paketës anti-KÇK duhet të ishin pjesë dhe politikanët që kanë pasur çështje penale.
Senjamini: A do ti shkojë letra e OFL-së ish-ministrit Saimir Tahiri?- e pyeti Sejamini.
Lleshaj: Nuk i zgjedh unë personat që u shkon letra. Do i shkojë çdo personi që është dënuar që thuhetnë nenin 5.
Senjamini: Po Tahiri është akuzuar si anëtar i një grupi kriminal për trafik droge.
Lleshaj: Nuk e di aq saktësisht çështjen e Tahirit sepse i kam përqëndruar energjitë tek fusha të tjera.
Senjamini: Po politikënt pse nuk janë pjesë. Sepse publiku shqiptar që të ketë besim te drejtësia do që të ketë politikanë të dënuar. Pse nuk janë politikanët pjesë e këtij ligji?.
Lleshaj: Për korrupsionin ka një ligj të tjetër.