Ervin Salianji është shprehur se ekziston mundësia që ai të jetë kandidat për deputet në listën e Partisë Demokratike.
I ftuar në “Zonë e lirë”, Salianji tha se me shumë mundësi do të jetë në lista, por shtoi se janë vendime kolegjiale dhe nuk dihet asgjë për askënd.
I pyetur nga Çani për ‘kokat listës’, Salianji tha se ata janë eksluzivitet i kryetarit (Lulzim Basha), pasi u mat peshën specifike të gjithsecilit.
Pjesë nga biseda:
Ervin Salianji: Nuk është ndonjë enigmë e madhe, pasi unë për shkak të mbështetjes që kam nga demokratët do jem një nga kandidatët, besoj.
Arian Çani: Besoj, pra asgjë nuk është e sigurt?
Ervin Salianji: Për askënd nuk dihet. Pasi janë vendime kolegjiale.
Arian Çani: Por kokat e listave janë zgjedhur.
Ervin Salianji: Kokat e listave janë eksluzivitet i kryetarit, pasi i mat peshën specifike të gjithsecilit.
Arian Çani: Salianj, para se t’i jap fjalën Currit. Të mbetet mes nesh, Edmond Spaho është profesor i mirë, por nuk ka stofin tënd politik, nuk ka agresivitetin tënd.
Ervin Salianji: Edmond Spaho është nënkryetari i partisë, një prej personalitetet e pa përfolura. Ai është nënkryetar partie dhe ekipi i kandidatëve për deputet duhet të ketë ngjyrime nga të gjitha personalitetet.