Ka ende në tregun mediatik gazeta lokale, të financuara dhe përgatitura nga gazetarë apo intelektualë që dëshirojnë të lartësojnë emrin e trevës, të publikojnë historinë, kulturën dhe zhvillimin e krahinës, janë të vendosur të japin kontributin e tyre për trevën ku banojnë. Cështja që shtrohet aktualisht është; a do të mbijetojnë gazetat lokale ?
Së pari këto gazeta nuk kanë mbështetje financiare. Bashkitë apo biznesmenët e qyteteve nuk i ndihmojnë pronarët e këtyre gazetave. Mirë do të ishte që ato të mbijetonin sepse është një kategori lexuesisht që nuk përdorin mediat online, sidomos mosha e tretë. Bashkitë shumë mirë mund të botonin vendimet e këshillave bashkiakë, investimet, njoftimet, në këto gazeta.
Por, mbijetesa e tyre është mjaft e vështirë, ose gati e pamundur. Së pari numri i lexuesve të gazetave ka rënë në shifra galopante. As gazetat e njohura në vend nuk kanë më tirazhin e mëparshëm, kanë një rënie drastike. Së dyti tani janë portalet dhe mediat online që preferohen dhe frekuentohen nga qytetarët. Së treti, niveli i shkrimeve të botuara në gazetat lokale nuk ngjitet në nivelet e gazetarisë profesionale.
