Sipas një eksperti të armëve bërthamore, Ulrich Kühn, mundësia që Moska të përdorë armë bërthamore taktike në luftën kundër Ukrainë sa vjen e rritet. Ai thotë se bëhet fjalë për armë me fuqi më të vogël se bomba që shkatërroi Hiroshimën dhe Nagasakin në vitin 1945.
“Shanset janë të ulëta, por ato po rriten. Lufta nuk po shkon mirë për rusët dhe presioni nga Perëndimi po rritet.” u shpreh Kühn në një intervistë për “New York Times”.
Eksperti deklaron se presidenti rus, Vladimir Putin mund të nisë një sulm bërthamor kundër një zone të pabanuar në vend të trupave ukrainase për të sinjalizuar më parë synimin e tij për të nisur sulme më vdekjeprurëse në të ardhmen.
“Është e tmerrshme të flasësh për këto gjëra, por duhet të kemi parasysh se gjasat po rriten”, përfundoi ai.