Gjatë një takimi për prezantimin e programit të PD për gratë, kandidatja për deputete, Gruda Duma iu përgjigj të gjithë atyre zërave që hamendësojnë se çfarë do të ndodhte nëse ajo do t’i bashkohej PS.
Duma u shpreh e prerë se kjo nuk do të ndodhë asnjë herë dhe nuk ngurroi të shprehte vlerësimin e saj të lartë për kryedemokratin Lulzim Basha.
“Diku këtyre dy ditëve lexova një solidaritet ndaj meje, personal, sikur Grida Duma të ishte në PS çfarë do të ndodhte? Thashë nuk do të mund të ndodhte kurrë të isha në PS. Jo vetëm sepse zgjedh të jem e djathtë. Por sepse nuk besoj do ta ndërroja kurrë një individ, një njeri, nuk dua të them kryetarin e PD, një njeri si Lulzim Basha, me të cilin 11 vite në rrugëtim profesional, kam parë se si jo vetëm ndaj meje por ndaj çdo individi tjetër është njeriu që njeh respektin absolut. Që do të thotë në korridorin e asaj që quhet seli partie apo ministrie nuk kemi dëgjuar një herë të vetme të mos thotë një grua, sa është xhentëllmen, sa i fisshëm, edhe këtë nuk e them për kompliment. Sot është dita dhe nuk kam arsye pse mos ta them. Duhet ti japësh gruan respektin dhe ndjesinë e një qenie që sjell jetën.”, u shpreh Duma.