Euro pritet të shkojë drejt qëndrueshmërisë. Sot 1 Euro këmbehet 116.6 Lekë nga 116.3 Lekë që arriti në fund të muajit Korrik. Sipas ekspertëve të ekonomisë ndërhyrja e Bankës së Shqipërisë dhe ikja e emigrantëve dhe turistëve masiv janë faktorët kryesorë që pritet të ndikojnë në zhvlerësimin e Lekut kundrejt monedhës europiane.
A rrezikohet që Euro të kthehet sërish në nivelin më të ulët historik sa ai para një muaji? Ekspertët thonë se kjo nuk pritet të ndodhë.
Tendencat janë që leku do vazhdojë të zhvlerësohet edhe për ditët në vijim dhe shtatori do kapë 120 lekë. Monedha europiane do jetë e stabilizuar në periudhën e Shtatorit qe do rrisë normën e interesit.
Zhvlerësimi i Lekut dhe forcimi i Euros pritet të ndikojë edhe në rritjen e eksporteve, një nga sektorët kryesor që gjeneron punësim.