Mjeku Erion Dasho foli për rrezikshmërinë e koronavirusit me hapjen e autobusëve, ku u shpreh se nëse udhëtohet pa maska ka pasoja.
Gjatë intervistës për abc news mjeku theksoi se qytetarët duhet të tregohen të kujdesshëm, por gjithashtu shtoi se problemi qëndron te vendet të cilat kanë rrezikshmëri më të lartë.
“Autobusi pa maska prodhon rrezikshmëri, është një vend problematik. Transmetimi komunitar në plazhe, restorant të hapur, është përgjegjës për 20%. Të mos merremi me 20% por me problemin kryesor. Ne nuk e kemi problemin te personat të blejmë ne supermarket pa maskë. Problemin e kemi te spitali, fasonet, call-center apo administrata publike, por kjo nuk do të thotë që publiku nuk duhet të marrë masa.
Problemi mbetet në të gjitha ato vende ku ka përqendrim të lartë të virusit. E theksoj që edhe në supermarket ku hyn blen i moshuari edhe i riu të dy duhet të jenë me maskë, sepse nëse i riu është i sëmurë infekton të moshuarit. Të bëhemi strategjik dhe të komunikojmë më publikun në mënyrë praktike”, tha ai.