Një ditë më parë shefi i Facebook, Mark Zuckerberg bëri të ditur mjaft ndryshime në platformat e tij sociale, Facebook, Instagram ,WhatsApp dhe Messenger, ku fokusi kryesor do të jetë mbrojtja e privatësisë.
Duke u ndalur në secilën prej tyre, zbulojmë se Instagrami do të fshehë numrin e pëlqimeve. “Duam që ndjekësit tuaj të fokusohen tek fotot dhe videot që shpërndani, dhe jo tek numri i pëlqimeve që keni marë”, thonë autoritetet përkatëse për TechCrunch.
Qëllimi është që aplikacioni të bëhet një vend që i lejon njerëzit të fokusohen në postimet që bëjnë dhe jo se sa pëlqime apo ripostime kanë arritur. Fillimisht këto risi do të testohen tek disa përdorues në Kanada dhe gradualisht në të gjithë botën. Do të jetë vetëm përdoruesi i profilit që do të shohë se sa pëlqime ka marrë dhe jo të tjerët.
Lexo edhe- Ja çfarë ndryshon në aplikacionet e Zuckerberg
Risi tjetër është edhe se postimet e Instagramit nuk do të duhet të fillojnë me një foto apo video, por do të ketë mundësi të shpërndani përmbajtje duke përdorur tekst, ngjitësa apo vizatime falë një mënyrë te re kamere, “krijuese.