Kryedemokrati Lulzim Basha, i pyetur nga gazetarët nëse është i gatshëm të dialogojë pa kushte me Edi Ramën, e mohoi kategorikisht.
Basha tha se s’ka qenë ndonjëherë mik i Ramës, ndyshe nga ç’iu drejtua ai para mediave.
Pyetje: Ndërkombëtarët kërkojne dialog pa kushte. Këtë e solli sot edhe Edi Rama, që ju quan ende mik. A jeni të gatshëm të dialogoni pa kushte me Edi Ramën”?
Basha: “Nuk kam qenë asnjëherë miku i Edi Ramës, kursenja vetes tuaj ironinë. Miqtë e tij janë oligarkë, pronarë mediesh, disa e shfaqin miqësinë hapur, por këta janë miqtë e Edi Ramës, por kurrë Lulzim Basha. Kjo nuk është një betejë mes meje dhe tij. Unë e kam fituar betejën me Edi Ramën. E ka mundur arroganca Edi Ramën. Kjo betejë bëhet pikërisht që shqiptarët të mos jenë të detyruar të zgjedhin mes një njeriu të lidhur me krimin dhe një njeriu që vjen në pushtet nga lidhjet me krimin. Qytetarët të zgjedhin nga alternativat politike.
Perdhunuesi serial i zgjedhjeve nuk mund të jetë kujdestar i zgjedhjeve. Kjo është e padiskutueshme, e panegociueshme dhe ju e dini mirë këtë. Edhe socialisti më i thekur nuk do besonte se të pranosh të bësh zgjedhje me Edi Ramën është zgjedhje parimore e krizës”.