Protesta e gjashtë kombëtare e opozitës ka filluar dhe kryetari i saj Basha lajmërohet se po përgatitet të lë selinë e PD-së për t’iu bashkangjitur protestuesve në Bulevardin “Dëshmorët e Kombit”, sheshi para kryeministrisë.
Paraprakisht, Partia Demokratike ka deklaruar se pavarësisht presionit të policisë, ndalimeve te shumta te protestuesve, te gjobave ndaj autobusëve, prania e qytetareve pritet te jete madhështore në këtë protestë.
Nga zyra e shtypit të selisë blu kanë dalë dhe shifrat e qytetarëve, që sipas tyre, do jenë në Tiranë për të përsëritur kërkesat e saj: zgjedhje të lira e të ndershme, për të cilat kërkon largimin e kryeministrit Rama dhe krijimin e një qeverie tranzitore. Pyetaj që shtrohet është, a ka 60 mijë protestues në shesh sikurse thonë zyrtarët e PD-së?!