Ish-Kryeministri Sali Berisha ka folur për herë të parë mbi një arrestim të tij të mundshëm. Duke folur në Fax tv, Berisha tha se ai nuk ka frikë nga asnjë arrestim, teksa shprehet me bindje se nuk ka kryer asnjë shkelje të ligjit.
Aulon Kalaja: Prej dy javësh tashmë në banaqe televizive qarkullojnë fjalë se mund t’ju arrestojnë. A keni frikë ju nga një arrestim i mundshëm?
Ish kryeministri Sali Berisha: Ata janë individë që vijnë nga bota e krimit politik. Nuk më impresionojnë. Kurrë nuk kam frikë sepse kam qëndruar gjithë jetën time në vendin tim dhe kjo është trimëria ime kam zbatuar ligjin dhe vetëm ligjin. Nuk do më dëgjoni kurrë të ketë një shkelje ligji në detyrat ku unë kam qenë.