Në një kohë kur disa vende të botës po përballen me përhapjen e lisë së majmunit, nëndrejtori i ISHP-së, Dritan Ulqinaku bën me dije se në vendin tonë nuk është identifikuar asnjë rast me këtë sëmundje, dhe se ky infeksion nuk lë vend për t’u shqetësuar.
Në një intervistë për “Klan News” ai u shpreh: “Nuk kemi identifikuar akoma asnjë rast të dyshuar me sëmundjen e njohur si lija e majmunëve. Nëse ka ndonjë formë të fshehur që në ditët në vazhdim do nxjerrë kokën, do jemi në kontakt”.
Më tej, mjeku epidemiolog ka treguar disa nga simptomat e kësaj sëmundjeje.
“Si karakteristikë ka fryrje të gjëndrave limfatike, skuqje të fytyrës, gjymtyrëve të tjera, puçrra që zmadhohen, lëngëzohen e rrjedhin”.
Autoritetet e shëndetësisë në Evropë, Amerikën e Veriut, Izrael dhe Australi kanë identifikuar gjatë ditëve të fundit mbi 100 raste të infektuarish me linë e majmunit.