Infektimi nga mushkonjat renditet si një ndër shqetësimet që pushuesit hasin gjatë sezonit veror, në disa vende të Shqipërisë.
Mjeku Ilir Alimehmeti, i pyetur nëse ka apo jo pasoja serioze në shëndet pickimi i mushkonjave, ai sqaroi se nuk kemi një problem të vërtetë sëmundjesh që transmetohen nga mushkonjat në Evropë.
“Shumica dërrmuese e këtyre pickimeve janë bezdisës. Fatmirësisht shumica dërrmuese e sëmundjeve që transmetohen nga mushkonjat janë klasike të vendeve tropikale. Evropa ka qenë shumë vite më parë për malarjan. Është një sëmundje që vret rreth 400 mijë veta në vit. Për shkak të një serë kushtesh ekonomike sociale të përmirësuara në të gjithë Evropën malaria është zhdukur nga Evropa. Nuk kemi një problem të vërtetë sëmundjesh që transmetohen nga mushkonjat në Evropë. Ka pasur rrallë ndonjë vatër në disa vite të caktuara. Janë disa specie të veçanta të mushkonjave që transmetojnë sëmundje”- shpjegoi mjeku.