Një deklaratë e bërë nga avokatja Vjollca Pustina ka shkaktuar indinjatë te shumë qytetarë, teksa fliste për abuzimet seksuale, duke marrë shkas edhe nga ngjarja e rëndë në qytetin e Vlorës, ku një 26-vjeçare u drogua dhe më pas u përdhunua nga katër djem.
Avokatja gjen vend për të justifikuar abuzimin duke u shprehur: “Meshkujt, meshkuj janë”.
“Përdhunimet ndodhin rëndom ditë të premte dhe të shtunë, se vajzat e tejkalojnë pak me pijen. Kam rastisur katër herë ditëve të shtuna në urgjencën e spitalit dhe vinin vajza të reja të shpërfytyruara. Të shoqëruara që i sillnin faktikisht 3-4 djem. Edhe vajzat duhet të jenë më të kontrolluara kur futen nëpër lokale apo shkojnë në disko nate. Se edhe meshkujt, meshkuj janë,”, tha ajo.