Një 31-vjeçar është arrestuar nga Policia në Tiranë. Ai akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve” dhe “Marrëdhënia seksuale me dhunë me të rritura”.
Armando Mirashi dyshohet se ka kryer marrëdhënie seksuale me dhunë me një 29-vjeçare, në mjetin e tij dhe më pas ka shkuar në lokalin e Ersel Kumrija, ku dyshohet se konsumohej dhe shitej lëndë narkotike.
Nga ana tjetër në pranga ra edhe Ersel Kumrija. Ai akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe shitja e narkotikëve”, “Përshtatja e ambienteve për përdorim të lëndëve narkotike” dhe “Mbajtja pa të drejtë e uniformës”.
Gjithashtu në pranga kanë rënë Endrit Kumrija, 23 vjeç, Anesti Prroi P, 25 vjeç, Siciljan Cakraj, 28 vjeç, Klevi Reka, 24 vjeç dhe Anxhelo Hodja, 26 vjeç, të cilët akuzohen për veprën penale “Moskallëzimi i krimit”.