Në emisionin “Drejt”, deputetja demokrate Flutura Açka u shpreh se ky nuk është moment për të bërë primare në PD.
Açka tha se një proçes i tillë do të krijojë sërish ndasi në PD, ashtu sikurse ka ndodhur më herët me kuvendet e dhjetorit të vitit të kaluar apo në zgjedhjet e pjesshme lokale.
Açka: Primaret mund të bësh kur je një parti e konsoliduar dhe kur je në kushte të qeta. Do të ndodhë një ndarje tjetër; ma dhe mua votën, s’ma dhe mua votën. Ky nuk është momenti. Ata janë në të drejtën e tyre, por duke i parë nga larg ndjej se nuk është momenti për të tilla skizma.
Ne mund të ishim bashkë në 11 dhjetor ose në 18 dhjetor, aty u bë skizma e parë. U bënë zgjedhje në struktura u bë skizma e dyte, u bë skizma e 6 marsit, dhe primaret tani do të thotë rifillim të proçesit të ndarjes.