Një dokument i brendshëm i administratës Trump parashikonte që numri i vdekjeve ditore prej koronavirusit në SHBA gati do të dyfishohej gjatë muajit të ardhshëm, madje pasi presidenti ka inkurajuar shtetet të kthehen në rutinën dhe të startojë biznesi si zakonisht, raportoi fillimisht “The New York Times”.
Vdekjet ditore pritet të rriten në rreth 3000 deri më 1 qershor nga rreth 1750 tani, sipas dokumentit, kopjet e të cilave janë marrë nga “The Times” dhe “The Washington Post”.
Draft-modelet, e paraqitura nga Agjencia Federale e Menaxhimit të Emergjencave, gjithashtu parashikuan që numri i infeksioneve të reja në ditë do të shkonte në 200.000 nga 25.000, një rritje e tetëfishtë deri më 1 qershor.
Presidenti amerikan, Donald Trump e hodhi poshtë si të pavërtetë raportin që parashikon 3000 vdekje. “Ai raport nuk është lehtësues dhe ne jemi duke lehtësuar”.
Presidenti ka mbrojtur edhe guvernatorët shtetërorë që kanë nisur të lehtësojnë masat, duke thënë se banorët e këtyre shteteve, janë duke respektuar distancën fizike dhe janë duke zbatuar masat tjera që lidhen me virusin.
Trump ka shtuar se vazhdimi i masave të izolimit mund të marrë edhe jetë njerëzish, përmes vetëvrasjeve apo abuzimit me drogë.