Tifozët e Argjentinës kanë qenë mjaft entuziast për kombëtaren e tyre gjatë gjithë Botërorit të Katarit. Mbështetja ka qenë maksimale për lojtarët, sidomos për gjeniun Lionel Messi. Pas fitores së Kupës së Botës, fakte interesante qarkullojnë në media.
Sipas Regjistrit Civil të provincës Santa Fe (Argjentinë), një në 70 foshnja të lindura në dhjetor 2022 u regjistruan me emrat Lionel ose Lionela, duke treguar në një farë mënyrë admirim për “magjistarin” e topit.
Kjo do të thotë rritje prej 700 për qind në zgjedhjen e këtyre emrave për të sapolindurit, me vetëm gjashtë fëmijë në muaj që merrnin këtë emër deri në shtator.
Drejtori i Gjendjes Civile të Santa Fe, Mariano Galvez, tha për programin radiofonik Santa Fe LT9: “Javët e fundit ka pasur foshnja të regjistruara me emra të tjerë të anëtarëve të ekipit kombëtar, si Julian ose Emiliano. Gjithsesi, emri më i pëlqyer është i Messit”.