Fitim Marku është mjeku që u arrestuar këtë të premte në spitalin e Traumës.
Ai u prangos brenda në spital gjatë orarit të punës, pasi u kap duke marrë 20 mijë lekë për të ofruar shërbimin ndaj një pacienti.
Në spital u fut si pacient një agjent i infiltruar, i cili i ofroi mjekut shumën prej 20 mijë lekësh, të cilën ai nuk e refuzoi.
Për Fitim Marku kishte pasur shumë denoncime se merrte para dhe kjo ka bërë që policia ta monitoronte deri në momentin e prangosjes.
Mësohet se ai u shoqërua në komisariat së bashku me disa persona të tjerë.