Shpërndarja e shtëpive nis nga familjet në nevojë tha zv.kryeministri Arben Ahmetaj pas mbledhjes së qeverisë. Ai tha se do kalojnë në pronësi të familjeve, duke nisur nga familjet në nevojë.
Ahmetaj e cilësoi si një muaj të rëndësishëm të procesit të rindërtimit.
“Sapo filloi procesi i kalimit të shkollave në pronësi të bashkive. Shkolla të rindërtuara, që u kalojnë bashkive për administrim në vazhdim. E dyta ky muaj do të shumë i rëndësishëm. Në vigjilje të dy vjetorit të asaj ngjarje të rëndë, tërmetit. Kemi procesuar për të kaluar në pronësi të plotë të qytetarëve shtëpi, apartamente.
Si do të bëhet shpërndarja? Një është lista prioritare, ky trajtohen familjet me ndihmë ekonomike, nëna familje, familjet e policëve të vrarë. Për këto familje shpërndarja bëhet me njëherë. Ndërsa për pjesën tjetër do të bëhet me short publik, edhe në ambiente të hapura madje.
Është detyrim dhe përgjegjësi e bashkive që të fillojnë të organizojnë shortet publike, transparente për të shpërndarë apartamentet. Vetëm mes 20 dhe 26 nëntor do të shpërndahen gati 1050 apartamente dhe njësi individuale.
Deri tani janë shpërndarë gati 1100 njësi individuale dhe gati mbi 800 grande për “DS4” për familjet e dëmtuara. Është një lajm i mirë për familjet. Deri në fund të shtatorit të vitit tjetër besojmë se do i kemi shpërndarë të gjithë apartamentet” tha ai