Një humbje me Turqinë, në debutimin e Shqipërisë në Euro 2020. Më tepër sesa disfata, fatal për Christian Panuccin ishte fakti se nuk arriti ti sjellë asnjë impuls pozitiv skuadrës. Pas zhgënjimit në Ligën e Kombeve, situata në kampin kuqezi, ishte po aq e rënduar në aspektin psikologjik. Mbrojtësi Arlind Ajeti tregon për A2 CNN ato që sipas tij ishin arsyet e një bashkëjetese që nuk mundtë vazhdonte më.
“Panucci e ka mbajtur skuadrën vetëm në hotel, që të fokusoheshim gjatë gjithë grumbullimit. Ajo nuk është e mirë në aspektin psikologjik. Ndoshta Panucci nuk arriti ti kuptonte shqiptarët dhe Kombëtaren tonë”, tha mbrojtësi kuqezi. Menjëherë pas largimit të Panuçit, atmosfera në skuadër ndryshoi. Prej ndeshjes në Andorra, me Ajetin që ka një sugjerim për trajnerin e ri. “Shpresoj që të vijë një trajner që e di kufirin”
Në të ardhmen e stolit kuqezi, projektohet një tjetër trajner italian. Mbrojtësi do të ishte dakord me këtë zgjedhje, ndërsa flet për objektivat e ardhshëm të Kombëtares.
“Besoj që italianët janë taktikisht shumë të fortë dhe nuk besoj që është ide e keqe”. Në fund të muajit mars, Arlind Ajeti u përjashtua nga Grasshopper, me vendim të trajnerit Stipiç. Mbrojtësi 25-vjeçar zbulon arsyet, ndërsa tani që drejtuesi i stolit ndryshoi, mori edhe një lajm tepër të mirë. “Besoj dhe shpresoj që do të kem përsëri shanse tani”, tha Ajeti.