Agjencia Kombëtare e Burimeve Natyrore (AKBN) hapi dyert për fëmijët e punonjësve të saj, në një ditë të veçantë kushtuar njohjes me energjinë, mineralet dhe burimet natyrore. Vogëlushët patën mundësinë të mësojnë, por edhe të argëtohen përmes aktiviteteve të ndryshme edukative e argëtuese.
Zv/kryeministrja, njëherazi ministre e Infrastrukturës dhe Energjisë, Belinda Balluku ndau disa momente nga kjo vizitë, duke e cilësuar atë si një ditë të veçantë, jo vetëm për të vegjlit, por edhe për prindërit e tyre.
”Inxhinierët e vegjël të AKBN-së. Një ditë ndryshe, në një prej institucioneve tona, i cili hapi dyert për të mirëpritur fëmijët e punonjësve, duke iu krijuar mundësinë atyre për të mësuar plot gjëra të reja për energjinë, mineralet dhe burimet natyrore, por edhe për t’u argëtuar. Një ditë e veçantë jo vetëm për të vegjlit, por edhe prindërit e tyre”, shkroi Balluku në një postim në rrjetet sociale.