Një makinë tip ‘Benz’ me drejtues një 19 vjeçarja përplasur një motoçiletë, drejtuesi i së cilës ka ndërruar jetë.
Viktima është identifikuar si Petraq Shyqermeja 68 vjeç i cili nuk arriti t’i mbijetonte plagëve të marra nga përplasja.
Mësohet se aksidenti ka ndodhur në zonën e ‘Zogut të zi’.
Ndërkohë që polica ka mbërritue në vendngjarje dhe po punon për zbardhjne e plotë të rrethanave të aksidentit.
Njoftimi i policisë:
Informacion paraprak Sot rreth orës 14:00, në afërsi të vendit të quajtur “Zogu i zi” Fier, shtetasi P.Sh, 68 vjeç, banues në Fier, duke drejtuar motocikletën, është përplasur me automjetin tip “Benz”, që drejtohej nga shtetasi N.M, 19 vjeç, banues në Fier. Si pasojë e përplasjes ka ndërruar jetë drejtuesi i motocikletës. Drejtuesi i automjetit, shtetasi N.M u shoqërua në Komisariatin e Policisë Fier. Grupi hetimor ndodhet në vendngjarje dhe po punon për sqarimin e plotë të kësaj ngjarje.