Një aksident i trefishtë ka ndodhur pasditen e sotme në aksin e vjetër Mamurras-Fushë Krujë në lagjen “Demokracia”.
Të plagosur janë mbetur dy nga drejtuesit e makinave, të cilët janë dërguar për ndihmë në spitalin e Traumës në Tiranë, si pasojë e plagëve që kanë marrë.
Aksidenti ka shkaktuar edhe bllokim të trafikut për disa minuta, ndërsa policia ndodhet në vendin e ngjarjes.
NJOFTIMI I POLICISË
Në aksin e vjetër Mamurras- Thumanë, në vendin e quajtur “Kryqëzimi i Adriatikut”, janë përplasur 3 automjete, ku si pasojë kanë marrë dëmtime 3 shtetas, të cilët janë dërguar në spitalin e Traumës, Tiranë dhe ndodhën nën kujdesin mjekësor, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.