Një aksident ka ndodhur në Tiranë ku një automjet ka përplasur fëmijën 10 vjeç. Ngjarja ka ndodhur në rrugën ‘’3 Dëshmorët’’ teksa fëmija është dërguar në spital.
Sipas Policisë, fëmija ndodhet jashtë rrezikut për jetën.
NJOFTIMI NGA POLICIA
Tiranë/Informacion paraprak
Më datë 09.05.2021, në rrugën “3 Dëshmorët”, mjeti me drejtues J. S., ka aksidentuar fëmijën e mitur me iniciale A.B., 10 vjeç, i cili ndodhet në spital, jashtë rrezikut për jetën.
Grupi hetimor ndodhet në vendngjarje dhe punon për sqarimin e rrethanave të aksidentit.