Një aksident i frikshëm ka ndodhur mbrëmjen e sotme (23 dhjetor) në aksin Levan – Tepelenë në vendin e quajtur “24 orarëshi”.
Si pasojë e aksidentit, kanë mbetur të lënduar shtatë persona, katër prej të cilëve fëmijë.
Sipas pamjeve të siguruara nga vendi i ngjarjes, duket se përplasja mes dy automjeteve “Nissan” dhe “Honday” ka qenë “kokë më kokë” dhe shumë e fortë, duke shkaktuar dëme të mëdha. Ndër të lënduar, më rëndë është një fëmijë 2-vjeçar, i cili është futur në sallën e operacionit, por të gjithë janë jashtë rrezikut për jetën.