Një 22-vjeçar është aksidentuar për vdekje sot në Vaqarr.
I riu ishte duke udhëtuar me motor, ndërkohë që një automjet i cili është futur në parakalim e ka marrë para motorin duke e lënë të vdekur në vend 22-vjeçarin.
I ndjeri mësohet se punonte me motor shërbim delivery për shpërndarjen e pjesëve të këmbimit në servise automjetesh.
Policia ka shoqëruar dhe autorin e aksidentit, i cili është larguar pas përplasjes, por është ndaluar pas disa minutash.