Dy automjete janë përplasur këtë të enjte në vendin e quajtur Oficinina e Vjetër në aksin Fier-Ballsh.
Katër personat e plagosur janë transportuar ne spital ku po marrin mjekime dhe ndodhen jashtë rrezikut për jetën.
“Sot rreth orës 16:00, në aksin rrugor Fier-Ballsh, në vendin e quajtur “Ofiçina e vjetër”, shtetasi A. S., 44 vjeç, duke drejtuar automjetin tip “Benz”, është përplasur me automjetin tip “Benz” me drejtues shtetasin R. B., 59 vjeç.
Për pasojë janë dëmtuar lehtë tre pasagjerët që udhëtonin me shtetasin A. S., si edhe vet drejtuesi i mjetit, shtetasi A. S., të cilët ndodhen në spital nën kujdesin e mjekëve, jashtë rrezikut për jetën”, thuhet në njoftimin e policisë.