Një aksident ka ndodhur mbrëmjen e sotme në aksin Fier-Patos, në vendin e quajtur “Portëz”.
Një automjet tip ”Renault”, pasi është përplasur me një mjet tip “Golf”, ka dalë nga rruga, duke përfunduar në kanalin anësor të saj.
Sipas burimeve nga vendngjarja, fatmirësisht drejtuesi i automjetit “Renault” ka shpëtuar mrekullisht pa lëndime të rënda, ndërsa për nxjerrjen e mjetit ka shkuar për ndihmë edhe një mjet zjarrfikës.
Policia dhe grupi hetimor po punojnë për zbardhjen e shkaqeve të këtij aksidenti me dëme materiale.