Një aksident rrugor është regjistruar mbrëmjen e sotme rreth orës 20:12 në aksin rrugor Kavajë-Rrogozhinë. 2 mjete janë përplasur me njëra-tjetrën në fshatin Gosë, ku për pasojë kanë mbetur të lënduar 3 persona.
Kanë mbetur të plagosur I. Xh., rreth 40 vjeç, F. B., 40 vjeç, dhe O. K., 26 vjeçe. Ata janë dërguar në spital e ndodhen nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të këtij aksidentit.