Një aksident ka ndodhur pak momente më parë në autostradën e Milotit.
Mësohet se një makinë ka përplasur një këmbësore, emri i të cilës ende nuk bëhet me dije.
Gjithashtu raportohet se vajzës së plagosur i ka ardhur menjëherë në ndihmë ish-deputeti i PD Bardh Spahia, i cili është i diplomuar si mjek i përgjithshëm.
Pas ndihmës së parë, e aksidentuara është dërguar menjëherë në spital, ku është nën kujdesin e mjekëve.
Ndërkohë policia ka hapur hetimet për zbardhjen e plotë të shkaqeve të aksidentit.