Një aksident i rëndë automobilistik ka ndodhur mesditën e sotme në Krujë, ku për pasojë dy persona kanë mbetur të lënduar. Ngjarja në fjalë ka ndodhur në fshatin Gramës, ku një makinë tip benz brenda së cilës udhëtonin dy persona është përplasur me një shtyllë të energjisë elektrike.
Nga përplasja u plagosën dy personat që udhëtonin në makinë, një i moshës 25 vjeç me iniciale K.V. dhe Flora Abazi 53 vjeçe, të cilët janë dërguar me urgjencë drejt Spitalit të Traumës në Tiranë për mjekim më të specializuar.
Ndërkaq, mendohet se shkak i aksidentit ka qënë humbja e kontrollit te mjetit nga shoferi.
Policia njofton:
“Rreth orës 12:30, në fshatin Gramëz Krujë, si pasojë e humbjes së kontrollit të drejtimit të mjetit nga drejtuesi shtetasi K. V., automjeti është përplasur me një shtyllë elektrike.
Nga përplasja e automjetit me shtyllën, është dëmtuar drejtuesi i automjetit dhe pasagjerja shtetasja F. V., të cilët ndodhen nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit’, thuhet në njoftimin e policisë.