Një aksident ndodhi pak pas mesditës së sotme në zonën e sheshit Shqiponja në Tiranë. Siç shihet edhe nga fotot e ardhura në redaksinë e abcneës.al, një autoambulancë është përplasur me një autoveturë tip “Mercedes Benz” në kryqëzim.
Mësohet se autoambulanca ka patur pacientë brenda dhe ka qenë duke shkuar në spital, ndërkohë që nuk dihen ende rrethanat e aksidentit. Për fat të mirë pacienti që po transportohej si edhe të tjerët e përfshirë në aksident nuk kanë pësuar dëmtime.