Një aksident i rëndë ndodhi pasditen e kësaj të premte në aksin Koplik Shkodër. Një punonjës policie ka përplasur për vdekje me makinë një 50-vjeçar i cili po udhëtonte me biçikletë.
Aksidenti ndodhi në afërsi të fshatit Shtoj i Ri ndërsa viktimë mësohet se ka mbetur 50-vjeçari A. Shkambaj.
Ky i fundit u dërgua fillimisht në Spitalin Rajonal të Shkodrës por fatkeqësisht nuk ka mundur t’i mbijetojë plagëve të marra.
Në vendngjarje ka shkuar menjëherë policia, e cila po punon për zbardhejn e rrethanave të plota të aksidentit.