Gentjan Qosja është shoferi i autobusit të përmbysur pasditen e kësaj të diele te Rruga e Elbasanit. Mësohet se ai ka humbur kontrollin dhe autobusi i linjës së Krrabës, është kthyer përmbys. Gjithashtu në pamjet e siguruara, vihet re se ka goditur edhe dy makina të tjera të parkuara.
Ndërkohë Tirananews.al mëson se shoferi nuk ka rezultuar i alkoolizuar, por gjatë dëshmisë së tij në polici, ai është shprehur se ishte nën regjim agjerimi dhe nuk është ndjerë mirë, duke pasur një debulesë, gjë që ka shkaktuar edhe aksidentin.
Nga verifikimi i dokumentacionit Teknik ka rezultuar se çdo gjë është në përputhje me rregullat në zbatim të legjilsacionit në fuqi.
Policia bën me dije se automjeteti ka qenë brenda normave të lejuara të shpetjësisë.