Aksionet e Policisë, Balla: Rreth 300 mijë bimë të asgjësuara, mbi 500 arrestime dhe procedime penale

Ministri i Brendshëm Taulant Balla, informon se operacioni kombëtar kundër kultivimit të drogës ka sjellë asgjësimin e rreth 300 mijë bimëve narkotike dhe mbi 500 arrestime e procedime penale. Ai shkruan në një postim në Facebook, se Policia e Shtetit po i ngre rezultatet e veta dita ditës në një nivel tjetër. “Uroj që me ndihmën e Zotit dhe mbështetjen e njerëzve, komuniteteve, të jemi fuqia e madhe e ndryshimit të mëtejshëm, që shqiptarët duan dhe meritojnë nga ne”, u shpreh Balla.